Welkom by Laerskool Duiwelskloof
Laerskool Duiwelskloof Primary het ontstaan in 1917. Die pragtige skool is geleë tussen berge met die mooiste uitsig van orals oor.
Die skool se leerlingtal staan tans op 521 met 24 personeel lede waarvan 10 deur die Departement aangestel is en die res deur die Beheerliggaam. Die rede daartoe is dat ons poog om nie meer as 35 leerlinge per klas te akkommodeer nie sodat persoonlike aandag aan elke indiwidu gegee kan word. Die voertaal is Afrikaans en Engels met twee klasse per graad.
Aan buitemuurse aktiwiteite staan ons ons man teen groter skole met die volgende aktiwiteite wat aangebied word: atletiek, rugby, netbal, hokkie, krieket, fietsry, perdry, rolbal en sokker. Op kultuur en akademiese aktiwiteite neem ons jaarliks deel aan Wiskunde en Wetenskap Olimpiades, Eisteddfod en skaak om maar ‘n paar te noem.
Al om die tweede jaar het ons revue met ’n Noot-vir –noot aand wat besonders is om deel te wees.
Vir fondsinsameling bied ons jaarliks ’n Tamatiefees aan waar + 850 kinders deelneem aan mini netbal en bulletjie rugby.
Om deel te wees van die Klofie-familie is ’n voorreg wat vir baie ouers beskore is.